Dharmana Prasada Rao’s Son Quizzed In Liquor Scam Case

Posted: 06/22/2012 11:52 AM IST

Dharmana Prasada Rao’s son quizzed in liquor scam case

రాష్ట్రంలో గతంలో జరిగిన భూపంపిణీ వ్యవహారాలకు సంబంధించి సిబిఐ తనకు క్లీన్‌చిట్ ఇవ్వటం ఖాయమని రోడ్లు, భవనాల శాఖ మంత్రి ధర్మాన ప్రసాదరావు ఆశాభావం వ్యక్తం చేశారు. శ్రీకాకుళం జిల్లా నరసన్నపేటలో జరిగిన కాంగ్రెస్ సమావేశంలో ఆయన మాట్లాడుతూ ఇప్పటికే సిబిఐ నోటీసుల మేరకు అధికారులకు తన వివరణ ఇచ్చానన్నారు. తాను జారీ చేసిన జీవోలను అన్ని కోణాల్లోనూ పరిశీలించామన్నారు. అధికారుల దృష్టికి ఈ అంశాలను తీసుకుని వెళ్లి చర్చించామన్నారు. అలాగే తన కుమారుడు ధర్మాన మనోహార్‌నాయుడుకి మద్యం ముడుపుల వ్యవహారంలో ఎసిబి విచారిస్తోందన్నారు. ఈ కేసులకు తన కుమారునికి సంబంధం లేదని స్పష్టం చేశారు. కొన్ని పత్రికలు గోరంతలను కొండంతలు చేస్తూ తమ ప్రతిష్ఠను దిగజార్చడానికి కంకణం కట్టుకున్నాయన్నారు. తమ కుటుంబ సభ్యులు గాని, కుమారుడు కాని ఎటువంటి అవకతవకలకు పాల్పడలేదని స్పష్టం చేశారు. మద్యం కేసులో తన కుమారుని పాత్ర లేదని సిండికేటు యజమానే స్వయంగా చెప్పినప్పటికీ కేసులు బనాయించడం ఎంతవరకు సబబన్నారు. ఏది ఏమైనా ఏ కేసులోనైనా తాము నిర్ధోషిగా బయటపడతామని పేర్కొన్నారు.